我要贏

  • By Kada
  • 2013-04-06
  • Comments Off on 我要贏

這邊箱,大淡友借央行QE用盡力沽爆日元,無數空倉排成隊列
散戶見咁好搵又黎湊下熱鬧,還有食過返尋味的師奶伯父吾執輸都加入追擊
在前後夾擊之下,借貨贖回之勢所形成的機械長城都要失手
日元由大跌小回變成直插不回,100點子又100點子
那邊箱,在尋尋覓覓的蟹民還在苦海沽空期指

我諗,過多排,日本股市好了,樓市好了,通縮不見,但經濟還是差,滯脹呀come on
日本央行以兩年內達成2%通脹率為新目標
我不是經濟人出身,但是日本滯脹是可以預計的

本來不太想講關於金融嘅事,玩耐左發覺只是他媽的一盤數字遊戲
尤其是炒短線波幅,當然,還是運氣佔大部分
懂多點規則以及定律的人當然會玩得好一點,不太懂就差一點,就是一點

整盤數字遊戲對充實生活其實無太大意義,今次只想記錄一下
我系日本央行貨幣政策會議前幾日,在每百日元兌港元8.3時用最大摃桿倍數做日元空倉
即係買日元跌,我吾喜歡睇技術走勢,做買賣純粹睇大勢

憑直覺,安倍作風新官上場應該有三把火
這是日本央行長黑田東彥第一次主持貨幣政策會議
但其實已有預期會有新動作,只係估計吾到公告時市場反應咁大
各基金經理/交易員是否只是借勢?我一介草民就不得而知

賭贏小小我已經平倉,做摃桿始終吾岩我,我吾喜歡睇住個市
之後在每百日元兌港元8時,買入現貨日元,聊以紀念
雖然可能會再跌,但對比過去幾年8已算合理,一萬港子已經有十幾萬yen
近一兩個月都會偶有一筆微小橫財,Touch wood
希望下次係中六合彩

Comments are closed.