做人為什麼

  • By Kada
  • 2009-01-16
  • Comments Off on 做人為什麼


讀書吾知為乜,咁努力保住全科合格吾知為乜,..
遲d畢業,搵工返工搵錢又吾知為乜…

做男人係咪真係要只係為”錢”為”女人”? 得到哩兩樣就滿足?.咁應該好多人都好滿足,..但事實又吾係,係咪因為搵錢吾夠多,所以吾滿足? 咁要幾多先為止夠?, 要Warren Buffett咁多? 淨資產:$62.0 billion? 定係可以上forbes就夠? 抑或好似好普通一個中產就夠? 甚至月入1萬就夠? …cpi升左3%就要1萬零三百?

如果知道自己有咁多錢,又有女人,甚至走埋入教堂, 係咪咁就滿足? 如果吾造人ge話咁佢可以咩都吾洗做la? 咁咪日日都好悶? 如果好似李嘉誠咁,已經係亞洲首富,佢又有錢,又結左婚,仲有幾個仔… 佢做咩咁辛苦仲要返工? 長江和黃年年ge股東會仲要出黎比記者問長問短,咁佢又為左d咩先咁努力?

有d人話,你要得到一樣野就要以犠牲一樣野作為代價,以鋼之練金術師ge講法係等價交換,.. 好似你要做明星,就要以犠牲自己ge私隱,作息定時等作為代價.你投資就要犠牲貨幣現有價值來換取貨幣的未來價值,咁既然我犠牲哩樣野同我換返黎ge野係等值ge,咁我做咩要去換?…如果換返黎ge係增值ge,又有邊個肯同你換?

我地在坐各位都犠牲左20年青春去讀書,以時間同金錢去換取更多ge知識.,為左d咩野? 社會希望通過教育黎換取該地區人民知識水平提高,為左提升GDP而努力, 咁就個人而言,我提升左我GE知識又對自己有何幫助?如果就個人而言係為左將來搵更多ge錢, 咁點解大陸咁多暴發戶? 我ge老闆吾見得綜合知識比我多, 咁點解咁多大學生ge收入都咁底? 我地吾係已經換左返黎la咩?

係命運? 一命二運三風水,四積陰德五先讀書?

如果我知道自己條命吾好,係咪要認命? 自己幾努力都吾會有回報,仲要去努力? 咁生存意義又何在? 為他人作嫁衣裳?

好多人話,做人幸福快樂就夠, 但…是否幸福快樂是取決於個人的滿足程度, 有人有個面包就好滿足,有人有部跑車先滿足,有人有個女朋友就好滿足,也有人話知足就常樂,咁係咪我只得一個面包就應該知足? 吾應該去追求其他野? 如果人人都係咁,社會點發展?
結論係:我吾應該知足,也吾應該無限去追求. 咁中間點搵平衡?
原來做人同做會計一樣, 都係要搵平衡

無錯係社會逼人,阿當斯密<<國富論>>已清楚講過,係資本主義社會入面’個人’利益最大化,就係’社會’利益最大化,社會叫你努力搵錢,就係為社會搵錢, 所以人人都叫你搵多d錢

如果搵錢係為社會,咁搵女人為咩?, 生物學家話生物生存係左為繁殖後代, 其實…只不過係為左生仔 ,搵靚女都只不過係想生個靚仔…

其實原來我地都只係為左社會同繁殖而生存…我地出世到死亡除左做人類最基本ge任務-生仔,就係為左社會發展

就自己個人而言, 就係為左享受更多ge社會成果..而不斷努力….

男人為錢? 為女人? 嘿..
原來做人同做會計一樣, 都只不過係搵個平衡….

如果我吾搞清楚自己為左d咩而努力, 咁我同條咸魚又有何分別?.

Categories: kada1120

Comments are closed.